طالبان خواستار کمک اوزبیکستان در مبارزه با مواد مخدر شدند

معاون ملکی معینیت مبارزه با مواد مخدر وزارت امور داخله گروه طالبان با سفیر کشور اوزبیکستان دیدار کرده و خواستار کمک آن کشور در مبازره با مواد مخدر شده است.

وزارت امور داخله گروه طالبان بامداد امروز چهارشنبه(22 سنبله) گفته که مولوی عبدالرحمن قاسمی معاون ملکی این معینیت در مورد چگونگی مبارزه با مواد مخدر در افغانستان معلومات داده است.

مولوی حسیب الله احمدی، رئیس دفتر معینیت مبارزه با مواد مخدر نیز بر تعهد گروه طالبان در مبارزه با مواد مخدر تاکید کرده و از سفیر اوزبیکستان خواسته تا با این معینیت در دفع  مبارزه با مواد مخدر همکاری کنند.

آقای یادگار خواجه شادمانوف سفیر اوزبیکستان وعده همکاری به گروه طالبان را داده است.

خبرگزاری جمهور