عبدالله از نهادهای مددرسان خواست به سیلاب زدگان کمک‌های فوری فراهم کنند

داکتر عبدالله عبدالله رییس شورای عالی مصالحه ملی حکومت پیشین از نهادهای مددرسان خواسته که برای سیلاب‌زدگان کمک‌های فوری فراهم کنند.

آقای عبدالله صبح امروز شنبه 22 ثور، با نشر اعلامیه‌ای با قربانیان سیلاب‌های اخیر در کشور ابراز غم‌شریکی کرده‌است.
این درحالی است که سیلاب‌های اخیر در بغلان، قندوز، تخار، بدخشان، فاریاب، بادغیس، هرات، غور و قندهار تلفات و خسارات هنگفتی به مردم وارد کرده‌است.