سرپرست وزارت معادن گروه طالبان با نماینده رئیس جمهور اوزبیکستان دیدار کرد

شهاب الدین دلاور سرپرست وزارت معادن و پترولیم گروه طالبان با عصمت الله ایرگشوف نماینده خاص رئیس جمهور اوزبیکستان، الهام محکموف وزیر ترانسپورت آن کشور دیدار کرده بر سرمایه گذاری روی منابع معدنی افغانستان تاکید کرده است.

وزارت معادن و پترولیم تحت کنترل گروه طالبان امروز دوشنبه(24 ثور) در اعلامیه‌ی از قول شهاب‌الدین دلاور گفته که سیاست امارت طالبان اقتصاد محور بوده، خواهان گسترش روابط تجاری و اقتصادی با جهان غرض جلب سرمایه گذاری‌های بزرگ بین‌المللی می‌باشد.

 این طالب خواستار سرمایه‌گذاری سرمایه‌گذاران اوزبیکستانی روی منابع معدنی افغانستان شده است.

 اوزبیکستانی‌ها هم هدف از آمدن شان به افغانستان را توسعه و تحکیم روابط، مخصوصا گسترش فعالیت‌های تجاری و اقتصادی با گروه طالبان عنوان کرده و گفتند به منظور سرمایه‌گذاری بالای منابع معدنی افغانستان خواهان حمایت و همکاری‌های وزارت معادن و پترولیم گروه طالبان می‌باشند.

گروه طالبان در حالی بر جلب سرمایه‌گذاران خارجی جهت سرمایه‌گذاری در افغانستان تاکید می‌کنند که تا هنوز هیچ کشور این گروه را به رسمیت نشناخته‌اند و به همین دلیل سرمایه‌گذاری خارجی و داخلی که در 20 سال گذشته در این  کشور سرمایه‌گذاری کرده بودند در حال فرار دادن سرمایه‌های شان از این کشور هستند.

خبرگزاری جمهور