سرپرست وزارت صنعت گروه طالبان به تاتارستان رفت

وزارت صنعت و تجارت گروه طالبان اعلام کرده که سرپرست این وزارت جهت اشتراک در پانزدهمین فورم بین‌المللی اقتصاد روسیه و جهان اسلام به جمهوری تاتارستان رفته است.

این وزارت تحت کنترل گروه طالبان بامداد امروز چهارشنبه(26 ثور) دراعلامیه‌ی گفته که نورالدین عزیزی، در راس یک هیئت بلند پایه امارتی به اثر دعوت رستم مینی خانوف، رئیس جمهور تاتارستان جهت اشتراک در پانزدهمین فورم بین‌المللی اقتصاد روسیه و جهان اسلام به جمهوری تاتارستان سفر کرده است. 

طالبان گفتند که قرار است پانزدهمین فورم بین‌المللی اقتصاد روسیه و جهان اسلام به تاریخ 14 ماه می الی 19ماه می سال روان میلادی در شهر کازان جمهوری تاتارستان برگزار گردد.

خبرگزاری جمهور