معین علمی وزارت تحصیلات عالی طالبان با سفیر اوزبیکستان دیدار کرد

مولوی لطف الله خیرخواه معین علمی وزارت تحصیلات عالی گروه طالبان با یادگار خواجه شادمانوف سفیر اوزبیکستان دیدار کرده و روی همکاری‌های عملی صحبت کرده است.

وزارت تحصیلات عالی تحت کنترل گروه طالبان امروز یکشنبه(20 جوزا) دراعلامیه‌ی گفته که دو طرف در این دیدار روی حل مشکلات دانشجویان افغان مقیم آن کشور، بورسیه‌های تحصیلی برای جوانان افغان و همکاری‌های دوجانبه علمی صحبت کردند. 

خیر خواه با اشاره به مشترکات دینی، زبانی و فرهنگی میان دو کشور، بر همکاری‌های علمی دوجانبه تاکید نمود، از کمک‌های کشور اوزبیکستان درعرصه‌های تحصیلی قدردانی کرده است.

یاد شده یادگار خواجه شادمانوف سفیر کشور اوزبیکستان گفته که در حال حاضر 43 تن دانشجوی افغان در کشور اوزبیکستان مصروف تحصیل می‌باشند.

وی در رابطه اعطاء 50 سیت بورس تحصیلی در مقطع لیسانس نیز خبر داده و پیرامون همکاری‌های دوجانبه علمی میان این دو کشور آمادگی خویش را اعلام کرده بود.

خبرگزاری جمهور