داکتر عبدالله عبدالله، رییس اجرایی و شرف الدین امام، سفیر تاجیکستان در کابل پیرامون ناامنی ها در شمال افغانستان گفتگو کرده اند.
به گزارش
خبرگزاری جمهور؛ در دیداری که داکتر عبدالله با شرف الدین امام در قصر سپیدار داشته دو طرف همچنان خواهان گسترش روابط اقتصادی و امنیتی میان افغانستان و تاجیکستان شده اند.
در این نشست سفیر تاجیکستان از تطبیق بیشترین خواستهای حکومت افغانستان که در جریان سفر رسمی رییس اجرایی به تاجیکستان مطرح گردیده بود٬ و از کار روی عملی شدن برنامه کاسا یکهزار گزارش داد.
در این نشست همچنان ناامنیها در شمال کشور٬ همکاریهای امنیتی و اطلاعاتی و آخرین تحولات سیاسی مورد بحث و تبادل قرارگرفت.
رییس اجرایی با تاکید بر اصل همکاری و تعاون در تمام عرصهها میان دو کشور گفته است که حکومت افغانستان خواهان گسترش همکاریهای اقتصادی و امنیتی میان کابل و دوشنبه می باشد.
خبرگزاری جمهور- کابل