د ۲۱ کیلومتره سړک د پراخولو او پاکولو کار پیل شوی

د پنجشېر د ټولګټو چارو ریاست په دغه ولایت کې د ۲۱ کیلومتره سړک د پراخولو او پاکولو چارو د پیل خبر ورکړی دی.
 
د جمهور خبري آژانس د خبر له مخي د پنجشېر  د لویې لارې د پراخولو او پاکولو چارې د دو آب- کوتل خاوک پورې د ټولګټو چارو ریاست له خوا پیل شوې.

دغه سړک ۲۱ کیلومتره اوږدوالی لري او د ګڼې ګوڼې او ترافیکي پېښو د مخنیوي او د ترانسپورتي اسانتیاو برابرولو په موخه یې د پراخولو او پاکولو چارې پیل شوې دي.

جمهور خبري آژانس