د افغانستان ازادو رسنیو د امریکا د ډیموکراسۍ جایزه وګټله

د امریکا د «NID» یا «National Endowment for Democracy» په نوم یوې ادارې د افغانستان خپلواکې رسنۍ د دې ادارې د جایزې ګټونکی اعلان کړ.

دغه بنسټ پرون په واشنګټن کې د یو لړ مراسمو په ترڅ کې د افغانستان د خپلواکو رسنیو په استازیتوب دغه جایزه د "امو" تلویزیون کوربه نازیه هاشم یار ته وسپارله.

آغلې هاشم یار د دې جایزې ورکول مهم وبلل او ویې ویل چې دا زموږ د خبریالانو لپاره یو پیاوړی یادونه ده چې زموږ غږ حیاتي دی.

نید وویل چې د افغانستان خپلواکې رسنۍ هڅه کوي چې د طالبانو له فشارونو سره سره د دغه هیواد خلک خبر وساتي.

ډیمون ولسن، د NID رییس او سی ای او وویل، د 2023 NID جایزه ګټونکي "د ډیموکراسۍ لپاره نړیواله هیله تاییدوي - حتی په ډیرو ننګونو ځایونو کې، عام خلک د بشري حقونو او ازادۍ لپاره هرڅه په خطر کې اچوي."

د NID ډیموکراسي ایوارډونه هر کال په ټوله نړۍ کې د بشري حقونو او ډیموکراسۍ د ودې لپاره د اشخاصو او سازمانونو "زړور او تخلیقي" کار پیژندلو لپاره وړاندې کیږي.

د "NID" د بورډ مشر کینیت وولک هم ویلي چې هغه ویاړي چې د ازادۍ، بشري حقونو او ډیموکراسۍ په مبارزه کې د اتلانو ملاتړ کوي.

هغه زیاته کړه چې NID به د نړۍ په ګوټ ګوټ کې د ژورنالیستانو، فعالینو او زړورو خلکو سره ودریږي او د ډیموکراتیک تجدید لپاره به په ګډه کار وکړي.

جمهورخبري آژانس