د پاکستان سترې محکمې د افغان کډوالو د اخراج د مخنیوي د درخواست اورېدنه پیل کړه

د پاکستان یوې محکمې تایید کړې چې د افغان کډوالو د اخراج د مخنیوي لپاره یې د دغه هیواد د سیاسي او بشري حقونو د فعالانو د غوښتنې اوریدل پیل کړي دي.

رویټرز خبري اژانس راپور ورکړی چې د پاکستان د سترې محکمې له خوا د جمعې لیندۍ ۱۰ مه د دغې غوښتنې اورېدنه پیل شوې ده.

د پاکستان د بشري حقونو مدافع وکیل عمر اعجاز ګیلاني ویلي، "د بېړنۍ اړتیا له امله، ځکه چې هره ورځ په زرګونو خلک ځورېږي، ما له محکمې غوښتنه کړې چې د راتلونکې اونۍ په پیل کې دې د دې قضیې اورېدنه وکړي."

د دې مدافع وکیل ویلي دي چې د دریو قاضیانو یوه هیئت به د دې قضیې په اړه پریکړه وکړي.

ګیلاني وویل: "هغه ماشومان چې په پاکستان کې زیږیدلي دي باید د دوی د طبیعي حق له امله بیرته راستانه نشي."

د يادونې وړ ده، چې د پاکستان حکومت د روانې مياشتې له پيل راهيسې د يو اعشاريه اووه ميليونه افغان کډوالو د جبري اخراج لړۍ پيل کړې ده.

جمهورخبري آژانس