د دوحې غونډه له نړۍ سره د دغې ډلې د تعامل په تعقیب ده

د طالبانو سیاسي مرستیال مولوي عبدالکبیر ادعا وکړه چې د دوحې غونډه له نړۍ سره د دغې ډلې د تعامل په هدف جوړېږي.

د طالبانو تر ولکې لاندې کلا نن دوشنبه (د سلواغې ۲۳مه) په یوه خبرپاڼه کې ویلي، چې د دې ډلې سیاسي مرستیال مولوي عبدالکبیر په ننګرهار کې د ننګرهار له قومي مشرانو او علماوو سره وکتل.

ننګرهاریانو په تورخم کې د ناروغانو او مسافرو لپاره د اسانتیاوو د برابرولو او دغه راز د ننګرهار د صنعتي پارک د ستونزو د هواري غوښتنه وکړه.

مولوي عبدالکبير په دې غونډه کې وويل چې د طالبانو د نظام واکمني د ټولو افغانانو او په ځانګړې توګه د ننګرهار د مجاهد ولس ارمان دى او د نظام ساتنه د ټولو افغانانو دنده ده، نو هيچا ته بايد د بغاوت اجازه ورنکړل شي. د دې ډلې د نظام پر ضد.

دغه طالب ویلي، چې د طالبانو امارت له ټولو هېوادونو په ځانګړې توګه له ګاونډیو سره ښې اړیکې غواړي او اجازه نه ورکوي، چې د افغانستان خاوره د هیچا پر ضد وکارول شي.

د طالبانو سیاسي مرستیال وايي، د دوحې ناسته له نړۍ سره د طالبانو د امارت د اړیکو د پراخولو په موخه ترسره کېږي.

د طالبانو د ډلې دا ادعا په داسې حال کې مطرح کیږي چې دغې ډلې په تیرو دوو کلونو کې د بشري حقونو، د ښځو د حقونو د تامین او د ټول شموله حکومت د جوړولو په برخه کې د نړیوالې ټولنې هیڅ غوښتنه نه ده پوره کړې. 

جمهورخبري آېانس

​