د سالنګ لویه لار یو ځل بیا د ترافیکو پرمخ تړل شوې ده

د پروان ولایت سیمه ییزې سرچینې وايي، د سالنګ لویه لار یو ځل بیا د سختې واورې او باد له امله د ترافیکو پرمخ تړل شوې ده.

د طالبانو تر کنټرول لاندې د سالنګونو د ساتنې او څارنې ریاست وايي، دغه لویه لاره تېره شپه د کب په نهمه د سختې واورې او توپان له امله د ترافیکو پر مخ تړل شوې وه.
د دغه رياست د معلوماتو له مخې، دغه پرېکړه د مسافرو د احتمالي زيانونو او زيانونو د مخنيوي په موخه شوې ده.

دغه رياست له هېوادوالو وغوښتل چې تر راتلونکي خبرتيا پورې دې پر دغې لارې له تګ راتګ ډډه وکړي.

د يادونې وړ ده، چې دغه لويه لار د واورې ورښت له امله له دوه ورځني بند وروسته نن سهار د ترافيکو پر مخ پرانيستل شوه.

جمهورخبري آژآنس

​