طالبان: د سېلاب د قربانیانو د درملنې لپاره لا زیاتو مرستو ته اړتیا لرو

د طالبانو د ډلې د بهرنیو چارو سرپرست وزیر مولوی امیر خان متقی د ملګروملتونو د بشری چارو د همغږۍ د دفتر له عملیاتی مشرې میرمن عدیم واسورنو سره وکتل او ویې ویل موږ د سیلاب ځپلو سره د مرستې لپاره لا زیاتو مرستو ته اړتیا لرو.

د طالبانو د ډلې د بهرنیو چارو د وزارت د ویاند مرستیال حافظ ضیا احمد نن دوشنبه (د ثور ۲۴) په خپله فیسبوک پاڼه کې لیکلي چې مېرمن ویسورنو د هېواد په بېلابېلو سیمو کې د وروستیو سیلابونو له امله خپله خواخوږي او هیله یې څرګنده کړه چې ژر تر ژره د دې ادارې مرستندویه ټیمونه اغیزمنو سیمو ته واستوي.

مقتي دا هم وویل، په داسې حال کې چې افغانستان د اقلیم په تخریب کې رول نه لري، خو له دې پدیدې تر ټولو زیات زیانمن شوی دی.

دغه غوښتونکي زیاته کړه چې زه غواړم ستاسو له لارې دا پیغام ورسوم چې افغانستان هغومره مرستو ته اړتیا لري لکه څومره چې یې ځپلي او د اقلیم په نړیوالو غونډو کې یې دریځ باید واورېدل شي او د اقلیم د بدلون په اړه مالي مرستو ته لاس رسی ولري.

متقي وويل، چې د سېلاب وروستۍ څپې ډېر ويجاړونکي دي او پراخو مرستو ته اړتيا لري.

دغه طالب زیاته کړه که څه هم د طالبانو امارت له خپلو خلکو سره د مرستې لپاره له ټولو امکاناتو کار اخیستی، خو د پېښې د څرنګوالي په پام کې نیولو سره نړیوالو او مرستندویه موسسو ته پکار ده چې په دې برخه کې خپل مسوولیت ادا کړي.

باید وویل شي، چې په افغانستان کې په وروستیو سیلابونو کې نږدې ۴۰۰ کسان مړه او ژوبل شوي دي او طالب ډله د قربانیانو د درملنې لپاره کوم ځانګړی پلان نه لري، خو تمه لري، چې له نورو سره به څه مرسته وکړي.

جمهورخبري آژانس