له پاکستان سره د پکتیا د خرلاچي لویه لار بېرته پرانیستل شوه

د پاکستان د قومي شورا دوو غړو تایید کړه چې د افغانستان او پاکستان تر منځ د خرلاچي لاره له یوې اونۍ وروسته د سوداګرۍ پر مخ پرانیستل شوې ده.

د پاکستان د قومي شورا له دوو غړو څخه يوه حاجي رؤف تېره شپه د ترکيې اناتوليا خبري اژانس ته وويل، چې دغه پوله تېره جمعه د دواړو غاړو د ځايي مشرانو په منځګړيتوب بېرته پرانيستل شوه.

د يادونې ده، چې د پکتيا په ډنډ پټان ولسوالۍ کې د خرلاچي لويه لار شاوخوا يوه اونۍ وړاندې د وسله والو طالبانو او پاکستاني پوله ساتو تر منځ له څو ورځو نښتو وروسته تړل شوې وه.

ویل کېږي چې له دې لارې هره ورځ له ۱۰۰ تر ۱۵۰ لارۍ تګ راتګ کوي.

جمهورخبري آژانس