په هرات کې د لاسي صنایعو نندارتون پرانیستل شو

په هرات کې ځايي سرچينې وايي، په هرات ښار کې د لاسي صنايعو او توليداتو نندارتون پرانيستل شو.

د سرچينې د معلوماتو له مخې، دغه نندارتون به د يکشنبې په ورځ د تلې په ٨ مه د هرات ښار د اختر الدين په تاريخي کلا کې پرانيستل شي او د يوې اونۍ لپاره به د سيلانيانو پر مخ پرانيستى وي.

په دغه نندارتون کې لاسي اوبدلې غالۍ، د ښيښې د سينګار توکي، د مالګې ګنډل، د خمک ګلدوزي، د خطاطۍ اثار، نقاشي او کوچني اثار نندارې ته ايښودل شوي دي.

سرچينې زياته کړه، چې دغه لاسي صنايع او توليدي توکي د نارينه وو په ٥٠ او د ښځو په ٥٠ غرفو کې نندارې ته وړاندې شوي وو.

ویل شوي، چې دغه نندارتون د ترکیې د «تیکا» انستیتیوت په همکارۍ د ګرځندوی د نړیوالې ورځې په مناسبت جوړ شوی دی.

د دغه نندارتون د جوړیدو موخه د سیلانیانو راجلبول او هغوی ته د هرات د لاسي صنایعو او تولیداتو معرفي کول دي.

جمهورخبري آژآنس