د طالبانو تر کنټرول لاندې د عامې روغتیا وزارت د سرطان نړۍوالې ورځې نمانځغونډه کې له نړیوالې ټولنې غوښتې، چې د روغتیا او سرطان ناروغۍ درملنې په برخه کې ورسره همکاري وکړي.
ننګرهار کې د مردارو چرګانو د غلا او خرڅلاو په تړاو ۷ کسان نیول شوي
طالبانو افغانستان ته د پاکستاني درملو واردول منع کړل
طالبان بیا بدخشان کې په طلا سره نښتي دي
طوفان د افغانستان په مرکزي برخه کې ډیری سړکونه بند کړي دي
نږدې ۲۰ ماشومان چې له پولې راوښتي وو له خپلو کورنیو سره یوځای شول
د خوړو نړیوال پروګرام افغانستان کې ۸۸۰ زره زده کونکو سره مرسته کړې
که ایران له توغندیو تېر نه شو، په یوازې ځان به برید پرې وکړو
په یوه اونۍ کې، ۱۷۵۵ کسان نیول شوي؛ د هرات پولې د کډوالۍ تر فشار لاندې دي
په هرات کې د طالبانو تر سیوري لاندې آنلاین عاید روزنه
هند او کاناډا به د امنیتي همکارۍ لپاره ګډ کاري پلان جوړ کړي
۰
د طالبانو تر کنټرول لاندې د عامې روغتیا وزارت د سرطان نړۍوالې ورځې نمانځغونډه کې له نړیوالې ټولنې غوښتې، چې د روغتیا او سرطان ناروغۍ درملنې په برخه کې ورسره همکاري وکړي.
د جمهور خبري آژانس د خبر له مخې د دغه وزارت اداري معین د سرطان د نړۍوالې ورځې په مناسبت په یوه پروګرام کې وایي، په هیواد کې د سرطان ډېری پیښې په نارینه وو کې د معدې او مرۍ د سرطان او په ښځو کې د سینې د سرطان دي.
عبدالولي حقاني د سرطان درملنې د یوه ځانګړي۲۰۰ بستریز روغتون د فعالېدو خبر ورکړ.
دی وايي، د ۲۰۰ بستریز روغتون لپاره یوه ودانۍ دې چې د ملکي اصلاحاتو د ودانۍ پورې اړوند وه، د عامې روغتیا وزارت د سرطان څانګې ته ځانګړې شوه.
په دغه پروګرام کې د عامې روغتیا وزارت د دفتر رییس له نړیوالې ټولنې وغوښتل چې د روغتیا په تېره بیا د سرطان د درملنې په برخه کې له افغانستان سره خپلو مرستو ته دوام ورکړي.
د سرطان د انکولوژي روغتون د مسوول په وینا، تمه ده، چې تر راتلونکو درېیو کلونو پورې د سرطان د تشخیص او درملنې امکانات په کور دننه برابر شي.
د عامې روغتیا وزارت د دفتر رییس، محمد طاهر حلیم وايي: له روغتیايي پلوه باید دوی یوازې پرېنښودل شي او د بل هر چا په نسبت، صحي او بشري مرستې افغانستان ته ورکړ شي. د سرطان غوندې مرګونې ناروغي پرې کنټرول شي.
د سرطان د انکولوژي روغتون مسوول، خالد احمد خالد هم وايي: زما په اند، موږ چې کوم سنجش کړی دی په راتلونکو درېیو کلونو کې به ان شاالله زموږ او ستاسې هیڅ هېوادوال دې ته اړتیا و نه لري چې هېواده بهر ولاړ شي او هلته درملنه وکړي.
په دې غونډه کې په افغانستان کې د روغتیا نړیوال سازمان استازې هم تر ۲۰۲۷ کال پورې د هېواد د سرطان له روغتونونو او کلینیکونو د دغه سازمان د ملاتړ خبره وکړه.
په افغانستان کې د روغتیا نړیوال سازمان استازی، دلارا مانویل وايي: «له روان کاله د ۲۰۲۷ د سپتمبر تر میاشتې به د اروپايي ټولنې او نورو ملاتړو بنسټونو په مالي مرستو، د روغتیا نړیوال سازمان د کابل د سرطان روغتون او د مزار او هرات د ځایي کلینیکونو ملاتړ وکړي، څو په روغتیايي خدمتونو کې ښه والی راشي.»
د فبروري څلورمه د سرطان نړیواله ورځ ده، چې هر کال د سرطان په تړاو د پوهاوي لوړولو او د دې ناروغۍ مخنیوي، تشخیص او درملنې ته د هڅولو په موخه نمانځل کیږي. دا ورځ په ۲۰۰۸ کال کې وړاندیز شوه.
جمهورخبري آژانس
د جمهور خبري آژانس د خبر له مخې د دغه وزارت اداري معین د سرطان د نړۍوالې ورځې په مناسبت په یوه پروګرام کې وایي، په هیواد کې د سرطان ډېری پیښې په نارینه وو کې د معدې او مرۍ د سرطان او په ښځو کې د سینې د سرطان دي.
عبدالولي حقاني د سرطان درملنې د یوه ځانګړي۲۰۰ بستریز روغتون د فعالېدو خبر ورکړ.
دی وايي، د ۲۰۰ بستریز روغتون لپاره یوه ودانۍ دې چې د ملکي اصلاحاتو د ودانۍ پورې اړوند وه، د عامې روغتیا وزارت د سرطان څانګې ته ځانګړې شوه.
په دغه پروګرام کې د عامې روغتیا وزارت د دفتر رییس له نړیوالې ټولنې وغوښتل چې د روغتیا په تېره بیا د سرطان د درملنې په برخه کې له افغانستان سره خپلو مرستو ته دوام ورکړي.
د سرطان د انکولوژي روغتون د مسوول په وینا، تمه ده، چې تر راتلونکو درېیو کلونو پورې د سرطان د تشخیص او درملنې امکانات په کور دننه برابر شي.
د عامې روغتیا وزارت د دفتر رییس، محمد طاهر حلیم وايي: له روغتیايي پلوه باید دوی یوازې پرېنښودل شي او د بل هر چا په نسبت، صحي او بشري مرستې افغانستان ته ورکړ شي. د سرطان غوندې مرګونې ناروغي پرې کنټرول شي.
د سرطان د انکولوژي روغتون مسوول، خالد احمد خالد هم وايي: زما په اند، موږ چې کوم سنجش کړی دی په راتلونکو درېیو کلونو کې به ان شاالله زموږ او ستاسې هیڅ هېوادوال دې ته اړتیا و نه لري چې هېواده بهر ولاړ شي او هلته درملنه وکړي.
په دې غونډه کې په افغانستان کې د روغتیا نړیوال سازمان استازې هم تر ۲۰۲۷ کال پورې د هېواد د سرطان له روغتونونو او کلینیکونو د دغه سازمان د ملاتړ خبره وکړه.
په افغانستان کې د روغتیا نړیوال سازمان استازی، دلارا مانویل وايي: «له روان کاله د ۲۰۲۷ د سپتمبر تر میاشتې به د اروپايي ټولنې او نورو ملاتړو بنسټونو په مالي مرستو، د روغتیا نړیوال سازمان د کابل د سرطان روغتون او د مزار او هرات د ځایي کلینیکونو ملاتړ وکړي، څو په روغتیايي خدمتونو کې ښه والی راشي.»
د فبروري څلورمه د سرطان نړیواله ورځ ده، چې هر کال د سرطان په تړاو د پوهاوي لوړولو او د دې ناروغۍ مخنیوي، تشخیص او درملنې ته د هڅولو په موخه نمانځل کیږي. دا ورځ په ۲۰۰۸ کال کې وړاندیز شوه.
جمهورخبري آژانس
تر ټولو ډېر لیدل شوي
وروستي خبرونه
د سایټ ټول حقوق خوندي دي او له مطلبونو څخه یې ګټه اخیستنه د سرچینې په یادولو سره اجازه لري.