د هرات والي د ټاپي له مشر او د ترکمنستان له قونسل جنرال سره د همکارۍ د پراختیا په موخه وکتل

د هرات ولایت د طالبانو ډلې اعلان کړی چې د دغه ولایت والي په افغانستان کې د ټاپي پروژې له مشر او په هرات کې د ترکمنستان له جنرال قونسل سره لیدلي دي.

د جمهور اژانس د راپور له مخې، د هرات ولایت د طالبانو د والي مطبوعاتي دفتر د دوشنبې په ورځ (د غوايي ۲۹ مه) په یوه بیان کې وویل چې په افغانستان کې د ټاپي پروژې مشر بګانج عبدالله یوف او په هرات کې د ترکمنستان قونسل جنرال باتور یولوف د دغه ولایت له والي اسلام جار سره وکتل او په مختلفو سکتورونو کې یې د ټاپي پروژې د پرمختګ په اړه لنډ راپور شریک کړ.

اسلام جار په افغانستان کې د ټاپي پروژې مشر ته د کار د چټک پرمختګ لپاره د اړینو اسانتیاوو په برابرولو کې د سیمه ییزې ادارې د بشپړې همکارۍ ډاډ ورکړ او د دواړو خواوو ترمنځ یې د سوداګرۍ او ټرانزیټ همکارۍ د زیاتوالي غوښتنه وکړه.

جمهورخبري آژانس