له ګاونډيو هېوادونو غواړو چې له کډوالو سره په شفقت، وقار او اسلامي ورورګلوۍ چلند وکړي

د افغانستان د آزادۍ جبهې له ګاونډیو هېوادونو وغوښتل چې له افغان کډوالو سره د رحم، وقار او اسلامي ورورګلوۍ چلند وکړي او له هر هغه سیاست یا عمل څخه ډډه وکړي چې د دوی د ځورونې، سپکاوي یا جبري اخراج لامل کیږي.

د جمهور اژانس د راپور له مخې، د ایران او پاکستان څخه د افغان کډوالو د جبري اخراج سره په ګډه، د افغانستان د آزادۍ جبهه په اسلامي هیوادونو، په ځانګړې توګه ایران او پاکستان غږ وکړ چې له افغان کډوالو سره د شفقت، وقار او اسلامي ورورګلوۍ چلند وکړي او له هر هغه سیاست یا عمل څخه ډډه وکړي چې د دوی د ځورونې، سپکاوي یا جبري اخراج لامل کیږي.

د جبهې په اعلامیه کې راغلي چې د افغانستان د آزادۍ جبهه په ټوله نړۍ کې د افغان کډوالو او پناه غوښتونکو د مخ په زیاتیدونکي خرابیدونکې وضعیت په اړه خپله ژوره اندیښنه څرګندوي. په ۲۰۲۱ کال کې د جمهوریت له ړنګېدو وروسته، په میلیونونو افغانان د ناامنۍ، سیاسي فشارونو او د اساسي آزادیو له لاسه ورکولو له امله د خپل هیواد پریښودو ته اړ شول.

په اعلامیه کې زیاته شوې ده: "په داسې حال کې چې په افغانستان کې بشري بحران نړۍ ته په څرګنده توګه معلوم دی، افغان کډوال لاهم له پراخ ناوړه چلند، تبعیض، خپل سري توقیف او جبري شړلو سره مخ دي." داسې وضعیت چې د دوی بشري حقونه او وقار تر پښو لاندې کوي.

د افغانستان د آزادۍ جبهه په ځانګړي ډول په ټولو اسلامي هیوادونو او په ځانګړي ډول د افغانستان له ګاونډیانو څخه غواړي چې د خپلو نړیوالو مکلفیتونو د مراعاتولو سربیره خپل دیني او اسلامي مسؤلیتونه هم ترسره کړي. د میلمه پالنې، د مظلومانو ملاتړ او اړمنو ته د سرپناه ورکولو عالي دود د اسلام د بنسټیزو تعلیماتو یوه برخه ده.

دې جبهې وویل، "موږ له اسلامي هېوادونو څخه تمه لرو چې له افغان کډوالو سره په شفقت، وقار او اسلامي ورورګلوۍ چلند وکړي او له هر هغه سیاست یا عمل څخه ډډه وکړي چې د دوی د ځورونې، سپکاوي یا جبري اخراج لامل شي."

د افغانستان د آزادۍ جبهه د افغان کډوالو سره د هر ډول ناوړه چلند او جبري راستنیدو په کلکه غندي او د لارې او منزل په ټولو هیوادونو غږ کوي چې د نړیوالو بشري حقونو او د کډوالو قانون لاندې خپل مکلفیتونه پوره کړي.

په افغانستان کې ناوړه شرایط، په شمول د هدفمند تاوتریخوالي، د قومي ډلو او مذهبي لږکیو ځپل، او د قانون د حاکمیت نشتوالی، زموږ هیواد په هیڅ ډول د بیرته راستنیدو لپاره خوندي ځای نه دی ګرځولی.

له بده مرغه، زموږ د هېواد عیني واقعیت د طالبانو د ترهګرې ډلې په منګولو کې بند دی، او زموږ د خلکو د ژوند او انساني وقار خوندیتوب په هیڅ ډول په هیواد کې تضمین شوی نه دی.

موږ په ملګرو ملتونو، اړوندو ادارو او نړیوالې ټولنې غږ کوو چې د نړۍ په ګوټ ګوټ کې د افغان کډوالو او مهاجرینو د ملاتړ لپاره سمدستي، محسوس او اغیزمن اقدامات وکړي.

جمهورخبري آژانس