په یوه میاشت کې ۵۰۰۰ بې سرپرسته ماشومان له ایران څخه ایستل شوي

په افغانستان کې د ملګرو ملتونو د ماشومانو وجهي صندوق یا یونیسف اعلان وکړ چې په جون میاشت کې ۵۰۰۰ بې سرپرسته ماشومان له ایران ایستل شوي دي.

د یونیسف چارواکو د سې شنبې په ورځ (د چنګاښ ۱۰ مه) په یوه بیان کې وویل "موږ چیرته ځو؟" دا هغه پوښتنه ده چې د زرګونو راستنیدونکو لخوا پوښتل کیږي چې هره ورځ د اسلام کلا پولې له لارې افغانستان ته ننوځي.

یونیسف وايي، په جون کې له ۱۶۰،۰۰۰ څخه ډیر خلک، چې په کې ۵۰۰۰ بې سرپرسته ماشومان شامل دي، له ایران څخه ایستل شوي دي.

په بیان کې ویل شوي چې یونیسف د ماشومانو لپاره واکسین، تغذیه، اوبه، حفظ الصحه، مناسب ځایونه او خوندي ځایونه چمتو کوي.

جمهورخبري آژانس