طالبانو په کابل او کاپیسا ولایتونو کې ۸ کسان په دُرو وهلي دي

د طالبانو محکمې اعلان وکړ چې دې ډلې په کابل او کاپیسا ولایتونو کې ۸ کسان په دُرو وهلي دي.

د جمهور خبري آژانس د خبر له مخې د طالبانو سترې محکمې نن یکشنبې  (د زمري ۱۲مه) په یوه اعلامیه کې وویل چې د مخدره توکو د قاچاق په تور یې اووه کسان له ۱۰ څخه تر ۳۰ دُرو او یو تن له پنځو کلونو بند محکوم کړي دي. په ورته وخت کې، په کاپیسا کې، یو کس د نظام پر ضد د تبلیغ په تور په یو کال او شپږ میاشتې بند او ۳۹ دُرو محکوم شو.

په کاپیسا کې د طالبانو د استیناف محکمې مشر عزیز الرحمن حقاني وویل چې په اسلامي شریعت کې د تعزیر سزا نه یوازې د مجرم د اصلاح لپاره پلي کیږي، بلکې نورو ته د درس ورکولو لپاره هم پلي کیږي.

د یادونې وړ ده چې د طالبانو ډله هره ورځ په مختلفو تورونو ګڼ شمیر اتباع نیسي او په دُرو وهي.

جمهورخبري آژانس