جنگنده‌های روسی مواضع طالبان در تخار را بمباران کردند
دوشنبه ۵ سنبله ۱۳۹۷ ساعت ۱۱:۰۴
براساس گزارش‌های تایید ناشده، جنگنده‌های روسیه مواضع طالبان را در ولسوالی درقد ولایت تخار بمباران کرده‌اند.
براساس گزارش‌های تایید ناشده، جنگنده‌های روسیه مواضع طالبان را در ولسوالی درقد ولایت تخار بمباران کرده‌اند.
به گزارش خبرگزاری جمهور؛ شماری از باشندگان ولسوالی درقد ولایت تخار مدعی شده‌اند که جنگنده‌های روسی صبح امروز (دوشنبه 5 سنبله) ساحات تحت حاکمیت طالبان را در روستای موسی زی، قره تپه ، واچ گذر، رستاقی‌ها و کشمی‌ها این ولسوالی هدف قرار داده اند.
آریانا نیوز نوشت که برخی منابع در میان طالب تخار با تایید این خبر می‌گویند که حمله جنگنده‌های روسی بر چند پاسگاه آنان صورت گرفته که تلفات در پی ندارد.
از سوی هم جواد هجری سخنگوی والی تخار می‌گوید بامداد امروز در این بخش که در اداره طالبان است درگیری میان قاچاقبران و نیروهای مرزی تاجکیستان صورت گرفته که در نتیجه درگیری دو سرباز مرزی تاجیکستان کشته می‌شوند و هواپیماهای تاجیکی وارد عمل می‌شود و منطقه را بمبارد می‌کنند.
خبرگزاری جمهور- کابل
کد مطلب: 107679
