ملي دفاع وزارت وايي، اروزګان ولایت کې یې هغه موتر بم له منځه وړی، چې غوښتل یې پر یوه امنیتي پوسته برید وکړي.
د
جمهور خبري آژانس د خبر له مخې دفاع وزرات نن پنشنبې د مرغومي ۱۸ مه خپره کړې خبرپاڼه کې ویلي، دغه برید نن سهار وختي شاوخوا ۳:۰۰ شنډ کړی شوی دی.
په خبرپاڼه کې ویل شوي، ترهګرو غوښتل دغه موټر بم ته د مرکز ترینکوټ په صوفیان پوسته چاودنه ورکړې، خو هدف ته له رسېدو وړاندې د افغان پوځ له خوا تر پېژندل کېدو وروسته له منځه وړل شوی دی.
جمهورخبري آژانس:کابل