راپورونه وايي، د ازبکستان پر مټ او همکارۍ به د افغانستان بلخ ولایت کې د مولانا جلال الدین محمد بخلي هوايي دګر بېرته ورغول شي.
د
جمهور خبري آژانس د خبر له مخې ویل کېږي د همدې هوايی ډګر د ترمیم او بیارغونې په موخه د ازبکستان یو تخنیکي ټیم هم مزار شریف ته رسېدلی دی.
ازبکستاني او افغان سیمه ییزه رسنیو راپور ورکړی، چې په همدې موخه د ازبکستان د ولسمشر ځانګړي استازي عصمت الله ایرګش د بلخ له سیمه ییزه چارواکو سره لیدلي دي.
د ازبکستان د ولسمشر ځانګړي استازي سیمه ییزه چارواکو ته ویلي، هېواد یې مرسته کوي څو په مزار شریف کې د هوایي ډګر فعالیت بیا سم شي.
ایرګش زیاته کړې، چې د مزار شریف هوايي ډګر په ترمیم او بیارغونې سره به دغه میدان د نړیوالو او کورنیو الوتنو جوګه وګرځي.
ویل کېږي چې د ازبکستان تخنیکي ډله کې ۳۰ تنه شامل دي.
جمهورخبري آژانس:کابل