اخراج ۴۹ مهاجر افغان دارای مدارک قانونی از تاجیکستان
شنبه ۱۰ جوزا ۱۴۰۴ ساعت ۱۴:۰۸
وزارت مهاجران و بازگشت‌کنندگان طالبان اعلام کرده است که ۴۹ تن از مهاجران افغان به دلایل نامعلوم از تاجیکستان اخراج و از طریق بندر شیرخان در ولایت قندز به افغانستان بازگردانده شده‌اند.
به گفته این وزارت، ۳۶ تن از این افراد دارای کارت اقامت تاجیکستان بودند و ۱۲ تن دیگر نیز گذرنامه و ویزای معتبر در اختیار داشتند.
در اطلاعیه آمده است که دلیل اخراج این مهاجران تاکنون مشخص نشده و دولت تاجیکستان نیز در این مورد توضیحی ارائه نکرده است.
وزارت مهاجران و بازگشت‌کنندگان طالبان تأکید کرده که جزئیات بیشتری در این باره وجود ندارد و پیگیری‌ها برای روشن شدن علت این اقدام ادامه دارد.
این رویداد در حالی رخ داده است که مهاجران افغان در کشورهای مختلف با چالش‌های متعددی از جمله اخراج اجباری مواجه اند.
خبرگزاری جمهور- کابل
کد مطلب: 182698
