اسلامي امارت وايي، افغانستان کې اوس د بل هر وخت په پرتله د ښځو حقونو ته درناوی کېږي او د ښځو حقونه خوندي دي.
د
جمهور خبري آژانس د خبر له مخې د ښځو پر وړاندې د تاوتریخوالي د مخنیوي له نړۍوالې ورځې سره هم مهاله د اسلامي امارت مرستیال ویاند بلال کریمي، سرپرست حکومت د ټولو هېوادوالو د حقونو رعایتولو ته ژمن دی.
له دې سره سم، په افغانستان کې د ملګرو ملتونو استازولي یا یوناما د اسلامي امارت له مسوولینو غواړي چې، د سفر د ازادۍ، کار او زده کړو په ګډون د ښځو حقونو ته درناوی وکړي.
اروپايي ټولنې هم د افغانستان په اړه د یوه پرېکړه لیک په تصویبولو سره ویلي چې، د نړۍوالې ټولنې او طالبانو تر منځ د تعامل بنسټیز شرط د بشري او په ځانګړې توګه د ښځو د حقونو رعایتېدل دي.
جمهورخبري آژانس:کابل