۰

اروزګان او پکتیا کې دوه پخواني نظاميان وژل شوي دي

پنجشنبه ۲۹ جدی ۱۴۰۱ ساعت ۱۰:۰۸
له پکتیا او اروزګان څخه ځايي ولسي سرچیې وايي، دغه ولایتونو کې دوه پخواني نظامیان په مرموز ډول وژل شوي دي.
اروزګان او پکتیا کې دوه پخواني نظاميان وژل شوي دي
له پکتیا او اروزګان څخه ځايي ولسي سرچیې وايي، دغه ولایتونو کې دوه پخواني نظامیان په مرموز ډول وژل شوي دي.
 
 د پکتیا ځايي خلکو په خواله رسنیو یوه ویډیو نشر کړې او ادعا یې کړې، چې طالبانو د محمد یوسف خان په نوم یو پخوانی نظامي تر شکنجې لاندې وژلی دی.

د دوی په وینا دغه وژل شوی کس د ځاځي اریوب ولسوالۍ د امرخېلو د سیمې اوسېدونکی و، چې په ډېر زجر سره وژل شوی دی.
 
بل خوا د اروزګان څخه ځايي سرچینې وايي، په خاص اروزګان ولسوالۍ کې یو پخوانی نظامي د نامعلومه کسانو له خوا وژل شوی دی.

د دوی په وینا دغه نظامي د موټرو په یوه مستري خونه کې د نامعلومه وسله والو کسانو تر برید لاندې راغلی او وژل شوی دی.
 
که څه هم طالبانو واک له رسېدو سره سم د عمومي عفوې خبره کړې وه، خو د بشري حقونو د څار ډلې په وار وار ادعا کړې، چې طالبان د پخواني حکومت امنیتي غړي او د دوی مخالفین په مرموز ډول وژني.
 
طالبانو بیا دغه ادعاوې رد کړې دي.
 
جمهورخبري آژانس
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي