د طالبانو د سوداګرۍ وزارت سرپرست نورالدین عزیزي کابل کې د اروپايي ټولنې له استازې مېرمن رافایلا لودېس سره کتلي دي.
طالب سرچینې وايي، په دغه لیدنه کې دواړو لورو د افغانستان پر اقتصادي وضعیت او د هغو د پیاوړتیا لپاره پر پلانونو خبرې اترې کړې دي.
د سوداګرۍ وزارت هم د یوې خبرپاڼې په خپرولو سره ویلي، په دغه لیدنه کې مېرمن لودېس د افغانستان لپاره د اروپايي ټولنې د اقتصادي برنامو، د بشري مرستو زمینې برابرولو او له خصوصي سکتور سره د همکارۍ په اړه معلومات وړاندې کړل او ویې ویل، چې اروپايي ټولنه د افغانستان د اقتصاد په خپلو پښو درېدو ته ژمنه ده او په دې برخه کې به همکاري وکړي.
د سوداګرۍ وزارت سرپرست هم د اروپايي ټولنې استازې ته ډاډ ورکړي، چې دوی هم د دغه ټولنې سره برنامو سره سم د افغانستان اقتصادي ودې او په خپلو پښو درېدو ته پوره ژمن دي.
د سوداګرۍ وزارت سرپرست هم د اروپايي ټولنې استازې ته ډاډ ورکړي، چې دوی هم د دغه ټولنې سره برنامو سره سم د افغانستان اقتصادي ودې او په خپلو پښو درېدو ته پوره ژمن دي.
جمهورخبري آژانس