په انګلستان کې د جاسوسۍ په تور یو افغان کډوال تورونه رد کړي دي

د لندن ټایمز ورځپاڼې راپور ورکړی چې په برتانیا کې یوه افغان کډوال پر ځان لګېدلي تورونه رد کړي چې ګواکې د روسیې جاسوس دی.

دغې ورځپاڼې تېره شپه د سلواغې په ۱۸مه راپور ورکړ چې دغه افغان کډوال ویلي چې د ده هغه ادعا چې د MI6 موسسې لپاره یې کار کړی او د دغه هېواد له پخواني پاچا سره یې لیدلي، دروغ دي.

هغه دا ادعا هم وکړه چې د ډیویډ کیمرون او ګورډن براون په ګډون یې د یو شمیر لوړ پوړو برتانوي چارواکو سره کار کړی او د شهزاده چارلس او شهزاده ویلیم سره یې لیدلي دي.

دغه افغان کډوال چې نوم یې په راپور کې نه دی ښودل شوی، په ۲۰۱۹ کال کې د برتانیا تابعیت له دې امله رد شو چې د روسیې د استخباراتي ادارې (GRU) لپاره یې کار کاوه.

د راپورونو له مخې هغه په ​​۲۰۰۰ کال کې وروسته له هغې پناه واخیسته چې ادعا یې کوله له طالبانو تښتېدلی او په مستقیم ډول له افغانستانه راغلی دی.

د محکمې د موندنو پر بنسټ، تورن له روسیې سره د نږدې اړیکو په جوړولو سره لږترلږه شپږ ځلې دغه هېواد ته سفر کړی دی.

هغه وويل چې له بريتانيا څخه د شړل کېدو له وېرې يې د دغه هېواد حکومت ته خبر نه دى ورکړى.

دغه پناه غوښتونکي اعتراف کړی چې د روسیې د بهرنیو چارو د وزارت له یوه چارواکي سره یې ملاقات درلود.

دغه افغان د ۲۰۰۰ لسیزې په وروستیو کې افغانستان ته له تګ مخکې د بریتانیا د بهرنیو چارو په وزارت کې د کار کولو لپاره د کورنیو چارو وزارت په ګډون د هېواد په دولتي ادارو کې د ژباړونکي په توګه کار کاوه.

د برتانیا امنیتي او استخباراتي چارواکو ویلي دي چې دغه پناه غوښتونکي په افغانستان کې د دغه هېواد له حکومت سره د کار کولو پر مهال "خورا محرمو" اسنادو ته لاس رسی درلود.

تر اوسه څرګنده نه ده چې د بريتانيا حکومت به په دې قضيه کې څه پرېکړه وکړي.

جمهورخبري آژآنس