فاریاب کې ۱۵ وسله والو طالبانو ته مرګ ژوبله اوښتې ده

په شمال کې د پوځ چارواکي فاریاب ولایت کې د افغان ځواکونو سره نښته کې د ۱۵ وسله والو طالبانو د مرګ ژوبلې خبر ورکړی دی.

د جمهور خبري آژانس د خبر له مخې نښته تېره شپه (د مرغومي ۱۲مه) د فاریاب ولایت د قیصار ولسوالۍ په ارکلیک سیمه کې رامنځ ته شوې ده.

په شمال کې د ۲۰۹ شاهین قول اردو وايي، په دغه څو ساعته نښته کې ۸ وسله وال طالبان وژل شوي او ۷ نور ټپیان شوي دي.

بل خوا خبرپاڼه د یاد ولایت په ګرزیوان ولسوالۍ کې د هوايي بریدونو پر مهال د ۳ طالبانو د وژل کېدو او د هغوی د دوه پټنځایونو له منځه وړلو پخلی کړی دی.

طالبانو تر اوسه په دې اړه څه نه دي ویلي.

جمهورخبري آژانس:فاریاب