۰

دفاع وزارت: زابل کې مو مهم طالب قوماندان وژلی

یکشنبه ۱۹ عقرب ۱۳۹۸ ساعت ۱۳:۳۹
ملي دفاع وزارت په زابل ولایت کې د وسله والو طالبانو د یوه مهم او کلیدي قوماندان د وژل کېدو خبر ورکړی دی.
دفاع وزارت: زابل کې مو مهم طالب قوماندان وژلی
ملي دفاع وزارت په زابل ولایت کې د وسله والو طالبانو د یوه مهم او کلیدي قوماندان د وژل کېدو خبر ورکړی دی.

د جمهور خبري آژانس د خبر له مخې دفاع وزارت نن یکشنبې د لړم ۱۹ مه خپره کړې خبرپاڼه کې ویلي، وژل شوی طالب قوماندان ملا حمدو نومېږي.

سرچینې زیاتې، چې ملا حمدو او دوه ساتونکي یې نن سهار د زابل ولایت په شنکۍ ولسوالۍ کې د افغان ځواکونو په رازق عملیاتو کې د هوايي برید پر مهال وژل شوی دی.

د ملي دفاع وزارت په اعلامیه کې ویل شوي، چې ملا حمدو په ګڼو چاودنو کې لاس درلود او له القاعده شبکې سره یې نژدې اړیکې لرلې.

طالبانو تر اوسه په دې اړه څه نه دي ویلي.

جمهورخبري آژانس:کابل
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي