د پاکستان یو سناتور مشاهد حسین وايي، د افغانستان په اړه د پاکستان واضح پلان دا وو چې دغه هېواد یې پنځمه صوبه وي.
د
جمهور خبري آژانس د خبر له مخې حسین دغه څرګندونې له جیو نیوز سره په خبرو کې کړې او په ټینګار سره یې ویلي، یو وخت د پاکستان واضح پلان و چې افغانستان باید زموږ پنځمه صوبه وي.
نوموړي زیاته کړې، د ضیاالحق د حکومت پر مهال پر دې بحثونه کېدل چې د پاکستان په خزانه کې د پنځمې صوبې لپاره بودیجه ځانګړې شي، خو اوس پاکستانی حکومت دې ته تیار دی چې افغانستان ته د یوه مستقل هېواد په سترګه وګوری.
دغه پاکستانۍ سناتور وايي، اوس پاکستان له افغانستان سره ښې اړیکې لري او د یوه ښه ګاونډي په سترګه ورته ګوري.
مشاهد حسین ټینګار کوي چې پاکستان اوس په افغانستان کې د لاسپوڅي حکومت له جوړولو لاس په سر شوی دی.
جمهورخبري آژانس:کابل