د کورنیو چارو وزیر اعلان وکړ، که له دې ایسته په هره امنیتي حوزه کې د موټرسایکل سپرو ترهګرو له لوري ترور وشو، د هغې حوزې مسوولان به له کاره ګوښه کړي.
د کورنیو چارو وزیر مسعود اندرابي دا اعلان وروسته له دې وکړ چې پرون جمعه ماښام وسله والو موټرسایکل سپرو د کابل ښار په دوولسمه حوزه کې پر دوو پولیسو ډزې وکړې او په خپله وتښتېدل.
په دې پېښه کې یو پولیس وژل شوی او بل ټپي دی.
د یادونې ده، په وروستیو کې په پلازمېنه کابل کې هم د موټرسایکل په وسیله تروریستي بریدونه ډېر شوي او د ښاریانو تشویش یې زیات کړی دی.
جمهورخبري آژانس:کابل