له ډېورنډ کرښې پورې غاړې خیبرپښتونخوا کې د پاکستاني ځواکونو او وسله والو تر منځ نښته کې ۱۰ کمانډویانو ته مرګ ژوبله اوښتې ده.
د
جمهور خبري آژانس د خبر له مخې نښته پرون سه شنبې د زمري ۷ مه د خیبرپښتونخوا په چلاس سیمه کې رامنځ ته شوې ده.
ځايي امنیتي چارواکو ویلي، کمانډو ځواکونو غوښتل په دغه سیمه کې په یوه کور چاپه و وهي، چې د وسله والو له برید سره مخ شول.
د دوی په وینا په دغه برید کې ۵ کمانډویان وژل شوي او پنځه نور ټپیان شوي دي.
دغه راز د خیبرپښتونخوا پولیسو ویلي، په ځوابیه ډزو کې دوه وسله وال هم وژل شوي او یوه اندازه وسلې او مهمات یې تر لاسه شوي دي.
تر اوسه کومې وسله والې ډلې د دې نښتې مسوولیت نه دی اخیستی.
جمهورخبري آژانس:کابل