د ملي امنیت شورا سلاکار ډاکتر محب هلمند ته تللی
یکشنبه ۲۸ جدی ۱۳۹۹ ساعت ۱۰:۳۸
د افغانستان د ملي امنیت شورا سلاکار ډاکتر حمدالله محب د یوه لوړ پوړي دولتي پلاوي په مشرۍ هلمند ولایت ته رسېدلی دی.
د افغانستان د ملي امنیت شورا سلاکار ډاکتر حمدالله محب د یوه لوړ پوړي دولتي پلاوي په مشرۍ هلمند ولایت ته رسېدلی دی.
د جمهور خبري آژانس د خبر له مخې ښاغلي محب او ورسره پلاوی نن هلمند ته تللي او د سفر موخه یې د دغه ولایت جنوب او جنوب لوېدیځ زون د ولایتونو امنیت جاجول دي.
د ملي امنیت شورا خبرپاڼه وايي، ښاغلي محب به د دغه سفر په ترڅ کې د هلمند، کندهار، اروزګان، زابل، دایکنډي او نیمروز ولایتونو له والیانو او امنیتي مسوولینو سره د دغه ولایتونو په عمومي امنیتي وضعیت خبرې اترې وکړي.
دغه راز سرچینه زیاتوي، چې ښاغلی محب به د ۲۱۵ میوند او ۲۰۵ اتل قول اردو ته هم ورشي له چارواکو او امنیتي ځواکونو سره به وویني او د هغوی ستونزې او وړاندیزونه به واوري.
د یادونې ده، چې د ملي امنیت شورا سلاکار حمدالله محب پرون بلخ ولایت او تر هغې وړاندې ننګرهار ولایت ته د امنیتي وضعیت د جاج اخیستو په موخه تللی وو.
جمهورخبري آژانس:کابل
د جمهور خبري آژانس د خبر له مخې ښاغلي محب او ورسره پلاوی نن هلمند ته تللي او د سفر موخه یې د دغه ولایت جنوب او جنوب لوېدیځ زون د ولایتونو امنیت جاجول دي.
د ملي امنیت شورا خبرپاڼه وايي، ښاغلي محب به د دغه سفر په ترڅ کې د هلمند، کندهار، اروزګان، زابل، دایکنډي او نیمروز ولایتونو له والیانو او امنیتي مسوولینو سره د دغه ولایتونو په عمومي امنیتي وضعیت خبرې اترې وکړي.
دغه راز سرچینه زیاتوي، چې ښاغلی محب به د ۲۱۵ میوند او ۲۰۵ اتل قول اردو ته هم ورشي له چارواکو او امنیتي ځواکونو سره به وویني او د هغوی ستونزې او وړاندیزونه به واوري.
د یادونې ده، چې د ملي امنیت شورا سلاکار حمدالله محب پرون بلخ ولایت او تر هغې وړاندې ننګرهار ولایت ته د امنیتي وضعیت د جاج اخیستو په موخه تللی وو.
جمهورخبري آژانس:کابل
د مطلب کود: 135517
