تاجکستان له افغانستان سره پر پوله امنیتي تدابیر زیاتوي

د تاجکستان او روسیې ولسمشر په یوه تلیفوني مکالمه کې د سیمې د وضعیت تر څنګ د افغانستان پر مسئله هم خبرې کړې دي او پر پوله یې د امنیتي تدابیر پر ډېرېدو ټینګار کړی دی.

د جمهور خبري آژانس د خبر له مخې پوتین ویلي، دوی له تاجکستان سره د امنیتي اقداماتو په برخه کې هر اړخیزې همکارۍ ته ژمن دي او په تازه امنیتي تدابیرو کې یې هم همکاري دوام لري.

تاجکستان دغه راز ویلي چې له افغانستان سره پر پوله به څار ډېر شي او لا ډېر سرتېري به ځای پر ځای کوي.

جمهورخبري آژانس:کابل