طالبانو په غور کې درې تنه په عام محضر کې په دورو ووهل

په غور کې د طالبانو محکمې په دغه ولایت کې درې تنه په دورو و وهل.

د غور د والي وياند عبدالواحد حماس د جمعې په ورځ د سلواغې په ١٠مه وويل، چې د دغه ولايت په دولينه ولسوالۍ کې درې تنه "جنايتکاران" په عام محضر کې په دندو ووهل شول.

طالبانو هر یوه ته چې د غلا په تور نیول شوي وو ۳۹ دُرې ورکړې.

حماس ویلي دي چې دغو کسانو ته د خپلو دوسیو له څیړلو وروسته سزا ورکړل شوې ده.

دا په داسې حال کې ده، چې تېره ورځ طالبانو په کندهار او کابل ولایتونو کې اووه کسان په عام محضر کې ووژل.

جمهورخبري آژانس