فرهاد سلیم معاون وزارت خارجه تاجیکستان در نشست امنیتی هرات در پایتخت این کشور گفته که جنگ افغانستان باید با دستیابی به عدالت پایان یابد.
به گزارش
خبرگزاری جمهور؛ آقای سلیم که دیروز سهشنبه (8 قوس) در نشست امنیتی هرات در شهر دوشنبه پایتخت تاجیکستان صحبت کرده، گفته که تاجیکستان خواستار ایجاد حکومت همه شمول در افغانستان است.
او افزوده که "سیاست تاجیکستان حمایت از ایجاد یک دولت فراگیر در افغانستان است که میتواند منجر به پایان جنگ نیم قرنی در افغانستان و دستیابی به عدالت اجتماعی شود."
فرهادسلیم همچنین از افزایش تحرکات گروههای تروریستی از جمله داعش و القاعده و نیز افزایش تولید و قاچاق مواد مخدر در افغانستان ابراز نگرانی کردهاست.
نشست امنیتی هرات توسط انستیتیوت مطالعات استراتژیک افغانستان در شهر دوشنبه پایتخت تاجیکستان دیروز سهشنبه آغاز و امروز چهارشنبه نیز ادامه خواهد یافت.
هرچند رقم دقیق اشتراک کنندگان این نشست مشخص نیست؛ اما دهها تن از مسوولان، کارشناسان و آگاهانی امور سیاسی از افغانستان، منطقه و جهان در این نشست دعوت شدهاند.
کرن دیکر کاردار سفارت امریکا برای افغانستان نیز صبح امروز در تویترش نوشت که به منظور شرکت در این نشست، صبح امروز وارد دوشنبه پایتخت تاجیکستان شدهاست.
نشست امنیتی امسال هرات با موضوع "نظام سیاسی همهشمول؛ الگوها و نقشه راه" برگزار میشود.
خبرگزاری جمهور- کابل