سویدن بیش از 7 میلیون دالر برای افغانستان کمک اعلام کرد

دفتر هماهنگی کمک‌های بشردوستانه سازمان ملل "اوچا" می‌گوید که دولت سویدن 7.4 میلیون دالر به نیازمندان در افغانستان کمک می‌کند.

این دفتر در تویترش نوشته که سویدن همبستگی خود را با مردم افغانستان و تعهد خود را به حمایت از پاسخ‌های نجات جان اضطراری و کمک به آسیب‌پذیرترین افراد نشان می‌دهد.

اوچا می‌گوید که در سال جاری میلادی بیش از 28 میلیون نفر در افغانستان به کمک‌های بشردوستانه نیاز دارند.

گفتنی است که سازمان ملل باری کمک به مردم افغانستان، 4.6 میلیارد دالر درخواست کمک کرده‌است.

خبرگزاری جمهور