د ترانسپورټ وزارت بې اسنادو موټرو ته د اسنادونو د وېش پروسې د چټکولو لپاره د کابل په ګمرک کې ځانګړی مرکز پرانيستی دی.
د
جمهور خبري آژانس د خبر له مخې د دغه مرکز د پرانيستې طرحه د ترانسپورټ او ماليې وزارتونو او دغه راز د ترافيکو د لوی رياست له لوري په ګډه جوړه شوې وه چې د کابينې تر منظورۍ وروسته عملي شوې ده.
د ترانسپورټ وزارت د ترانسپورټي خدمتونو د تنظيم او عرضې رييس جاويد فيضي ويلي چې په ياد مرکز کې به ټولو بې اسنادو موټرو ته ترانسپورټي او ترافيکي اسناد ورکول کېږي.
د يادونې وړ ده چې پخوا بې اسنادو موټرو ته د ترانسپورټي او ترافيکي اسنادو د اخيستلو پروسه خورا اوږده او پېچلې وه چې له کبله يې ډيرو خلکو د دغو اسنادو اخيستلو ته زړه نه ښه کاوه.
جمهورخبري آژانس:کابل