داعش ډلې ومنله، چې د دوی مشر ابو الحسن الهاشمي القریشي په دې وروستیو کې په جګړه کې وژل شوی دی.
د
جمهور خبري آژانس د خبر له مخې د دغه ډلې ویاند په یوه غږیز پیغام کې چې پرون چهارشنبې د لیندۍ ۹ مه خپور کړی یوازې د خپل مشر وژل کېدل تایید کړې او نور جزیات یې نه دي ورکړي.
د امریکا پوځ وړاندې ویلي وو، چې القریشي د اکتوبر میاشتې په نیمایي کې د سوریې په جنوبي ښار درعا کې د سوریې د یاغیانو په عملیاتو کې وژل شوی دی.
په برېتانیا کې مېشت د سوریې د بشري حقونو یوې څارونکې ډلې په اکتوبر میاشت کې ویلي و چې، د سوریې هغو یاغیانو چې مخکې یې له حکومت سره روغه جوړه کړې، د درعا ولایت په جاسیم کلي کې د داعش یو شمېر وسله وال وژلي دي.
دغې ډلې په راپور کې ویلي و چې، په وژل شویو کې د دې ډلې یو عراقي مشر هم شامل دی چې د نښتې پر مهال یې په ځان پورې تړلي چاودېدونکي موادو ته چادونه ورکړې وه.
دا د داعش دوهم مشر دی چې په روان کال کې وژل کېږي.
تر هغه مخکې د دې ډلې پخوانی مشر ابو ابراهیم الهاشمي القریشي په فبروري میاشت کې د سوریې په شمال لوېدیځ کې د امریکا په یوه برید کې وژل شوی و.
جمهورخبري آژانس:کابل