کاناډا له پاکستانه ۳۳۳ افغان کډوال انتقال کړل

د کاناډا د کډوالو وزیر مارک میلر وايي، له پاکستانه ۳۳۳ افغان کډوال دغه هېواد ته لېږدول شوي دي.

ښاغلي میلر په خپله ایکس پاڼه لیکلي، دغه کډوال له پاکستان څخه د یوې چارټر الوتکې په واسطه د کاناډا وینی پیګ ته رسیدلي دي.

د هغه په ​​وينا، دغه کسان به د کاناډا د ايډمونټون، اوټاوا او ټورنټو ښارونو په ګډون په ټول هېواد کې ٣٣ ځايونو ته ولېږدول شي.

د کاناډا حکومت تر دې مخکې ویلي وو چې هغه هېواد ته یې د شاوخوا څلویښت زره افغان مهاجرو د استولو هدف ته رسیدلي دي.

جمهورخبري آژانس