د اروپايي ټولنې لپاره د کار فرصتونه او د افغانستان د خلکو لپاره سوله مهمه ده

د افغانستان لپاره د اروپايي ټولنې ځانګړي استازي توماس نیکولسن د طالبانو د ډلې له سیاسي مرستیال مولوي عبدالکبیر سره کتلي او ویلي یې دي چې د اروپايي ټولنې لپاره کاري فرصتونه او د افغانستان د خلکو لپاره سوله مهمه ده.

طالبانو  د پنجشنبې په سهار سلواغې ۱۹  په یوه اعلامیه کې ویلي چې د ملګرو ملتونو د ځانګړي همغږي کوونکي د اروپايي ټولنې استازي توماس نیکولسن وروستی راپور د افغانستان پر پرمختګونو متمرکز دی او دا په راپور کې د طالبانو د امارت لاسته راوړنې او د طالبانو د امارت پر وړاندې شته ننګونو ته اشاره شوې او د افغانستان د پرمختګ لارې یې مشخصې کړې دي.

هغه وویل، نړیواله ټولنه به د دوحې په غونډه کې له افغانستان سره په پرمختیايي او بشري برخو کې خپلې مرستې اعلان کړي.

نیکولسن زیاته کړه، د افغانستان د څلویښت میلیونو وګړو لپاره امنیت، کاري فرصتونه او سوله د اروپايي ټولنې له ځانګړي استازي څخه ډېر مهم دي او موږ په افغانستان کې حضور لرو او له دغه هېواد سره مرستو ته دوام ورکوو.

ښاغلي توماس نیکولسن وویل چې اروپايي ټولنه چمتو ده چې په افغانستان کې له نشه یي توکو سره د مبارزې په برخه کې مرسته وکړي.

هغه زياته کړه، چې په نږدې راتلونکي کې به له نشه يي توکو سره د مبارزې په اړه په قرغزستان کې د منځنۍ اسيا د پنځو هېوادونو له استازو سره غونډه ولري او د افغانستان په اړه به هم خبرې وکړي.

مولوي عبدالکبیر وویل، اسلامي امارت د افغانستان لپاره د ملګرو ملتونو د ځانګړي همغږي کوونکي راپور ډیری برخې تصویبوي او د اسلامي او اسیایي بانکونو د فعالیتونو، د نیمه پایو پروژو د پیل او د افغانستان بانکي سیستم د بندیزونو د لیرې کیدو هرکلی کوي.

هغه وویل چې د یوناما په شتون کې د سولې لپاره د ځانګړي استازي ټاکلو ته اړتیا نشته.

خبرگزاری جمهور