روسي پانګوال د بریښنا تولید او د بریښنا د حکومتدارۍ په برخو کې پانګونه کوي

طالبانو ادعا کړې چې روسي پانګوال په افغانستان کې د برېښنا د تولید او برېښنايي حکومتولۍ په برخو کې پانګونه کوي.

طالبانو نن سهار د کب ۲ مه په یوه خبرپاڼه کې ویلي چې د دې ډلې د لومړي وزیر د دفتر مشر عبدالواسع د «Khempirom Service International» شرکت له مشر میخایل الکساندرویچ مالچینوف، د روسیې د هایدروماش نړیوال شرکت مشر او د دغه سازمان له مشر سید امین سید محمد ویچ سره وکتل.

د کیمپیروم خدمت روسی نړیوال شرکت مشر میخایل الکساندر مالچینوف ویچ وویل، چې د کابل ښار د کثافاتو د راټولولو او پروسس په برخو کې پانګونه کوي، په کابل کې د ۱۳۰ میګاواټه برېښنا د تولید په ظرفیت د ۱۴ توربینونو په نصبولو او د برېښنا د سیستم په جوړولو کې پانګونه کوي. د الکترونیکي حکومتولۍ سکتور

هغه وويل، چې د کابل ښار د کثافاتو له راټولولو او پروسس وروسته به دغه مواد په ګاز، برېښنا او کيمياوي سرې بدل شي او په زياته اندازه ګاز او کيمياوي سرې به ٤٢٠٠ ملي متره توليد شي.

په ورته وخت کې د روسیې د هایدروماش نړیوال شرکت مشر سید امین سید محمد ویچ وايي، دوی د څه باندې پنځه زره ډوله پمپونو د تولید او په ۶۲ هېوادونو د ټکنالوژۍ د پلورلو وړتیا لري.

د روسیې دغه پانګونه د افغانستان ټولو ولایتونو، ښارونو او کلیو ته د څښاک د پاکو اوبو د برابرولو او د تیلو د استخراج او تصفیې په برخه کې خپله لېوالتیا څرګنده کړه.

د چارواکو په وینا دواړو شرکتونو د اسانتیاوو په پام کې نیولو سره په افغانستان او روسیه کې د افغان متخصصینو د روزنې لپاره چمتووالی ښودلی.

د طالبانو د لومړي وزیر د دفتر مشر ملا عبدالواسع ویلي، نړۍ اوس د افغانستان له واقعیتونو خبر شوې او د طالبانو امارت د خلکو د ژوند د ښه کولو او د هغوی د اقتصاد د پیاوړتیا لپاره کار کوي.

  هغه زیاته کړه، موږ د ټولو هېوادونو له سوداګرو او پانګوالو سره مثبت تعامل غواړو او هغوی ته لازم شرایط او اسانتیاوې برابروو او ملاتړ یې کوو.

جمهورخبري آژانس