فوزیه کوفي د "آسیایي ښځو لاسته راوړنې" جایزه وګټله

د افغانستان د ولسي جرګې پخوانۍ غړې فوزیې کوفي په ۲۰۲۴ کال کې د «آسیایي ښځو لاسته راوړنې» جایزه وګټله.

دا اجازه مېرمن کوفي ته د پنجشنبې په ماښام د جون د میاشتې په ۱۷ نېټه د لندن په ښار کې ورکړل شوې ده.

مېرمن کوفي په خپلو ټولنیزو پاڼو کې لیکلي چې په ۲۱ پېړۍ کې زما په هېواد کې ښځې له ټولو حقونو؛ زده کړو، کار او ازادۍ څخه بې برخې دي او افغانستان د ښځو لپاره په خلاص زندان بدل شوی دی، دا عادي خبره نه ده او نه باید وشي. عادي ګڼل کیږي."

هغې زیاته کړه، «لکه څنګه چې په افغانستان کې زما خویندې د وضعیت پر وړاندې مقاومت ته دوام ورکوي، موږ باید د هغوی په ملاتړ ودریږو او د بدلون لپاره د هغوی غږ اوچت کړو،»

دا جایزه د هنر او کلتور، ټولنیزو خدمتونو، ټکنالوژۍ، رسنیو، سپورټ، متشبثي او ساینس په برخو کې یو شمېر نورو اسیايي مېرمنو ته ورکړل شوې ده.

د يادونې وړ ده چې د اسيا د ښځو د لاسته راوړنو جايزه په ۱۹۹۹ کال کې د نصرت محبوب ليلاني له خوا چې د "پنکي ليلاني" په نامه مشهوره ده، چې يوه هندي-برتانوي ليکواله او د ښځو د حقونو مدافع و، جوړه شوه.

جمهورخبري آژانس