۰
جنرال مېلر:

که طالبان تاوتریخوالی کم نه کړي، هوکړه ماتېدونکې ده

چهارشنبه ۱۴ حوت ۱۳۹۸ ساعت ۱۴:۳۴
په افغانستان کې د بهرنیو ځواکونو عمومي قوماندان جنرال سکات مېلر وايي، که طالبان تاوتریخوالی کم نه کړي، نو ورسره شوې هوکړه به ماتېدونکې وي.
که طالبان تاوتریخوالی کم نه کړي، هوکړه ماتېدونکې ده
په افغانستان کې د بهرنیو ځواکونو عمومي قوماندان جنرال سکات مېلر وايي، که طالبان تاوتریخوالی کم نه کړي، نو ورسره شوې هوکړه به ماتېدونکې وي.

د جمهور خبري آژانس د خبر له مخې جنرال مېلر ویلي، د تاوتریخوالي دوام قطر کې شوې هوکړې ته ګواښ پېښوي نو لازمه ده، چې طالبان تاوتریخوالی کم کړي.

جنرال مېلر دا څرګندونې پر داسې مهال کوي، چې د سولې د شوې هوکړې وروسته امریکايي ځواکونو په لومړي ځل په هلمند کې پر طالبانو بمبار کړی دی.

امریکايي ځواکونو دغه برید له هغې وروسته وکړ، چې طالبانو په هلمند کې د افغان ځواکونو پر یوه مرکز ډلیز بریدونه وکړل.

په افغانستان کې د امریکایي ځواکونو ویاند ویلي دا دفاعي برید و، ځکه طالبانو د افغان ځواکونو په مرکز پرلپسې بریدونه کول او له افغان حکومت سره د شوي تړون له مخې د افغان ځواکونو ملاتړ د دوی دنده ده.

د امریکا د پوځ ویندوی پر خپله ټویټرپاڼه لیکلي، وسله والو طالبانو د افغانستان د ملي امنیتي ځواکونو پر پوستو پر له پسې حملې کولې نو امریکايي ځواکونو د دې لپاره چې د طالبانو د حملو مخه ونیسي، پر هغوی یې بمباري وکړه.

نوموړي ویلي، امریکا د سولې پر موافقې ولاړه ده خو طالبان باید بې ضرورته حملې ودروي او پر خپلو هغو ژمنو ودرېږي چې د دوحې په موافقه کې یې کړي دي.

جمهورخبري آژانس:کابل
 
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي