چارواکي وايي، په ننګرهار ولایت کې د تېلو په یوه ټانګ کې د اورلګېدنې په پېښه کې ۱۲ تنو ته مرګ ژوبله اوښتې ده.
د
جمهور خبري آژانس د خبر له مخې پېښه پرون د اختر دوهمه د جلال آباد ښار د څلورمې ناحیې اړوند سیمه کې د تېلو په یوه ټانګ کې رامنځ ته شوې ده.
د ننګرهار د والي ویاند عطاالله خوږیاڼی وايي، په دغه پېښه کې دوه تنه مړه شوي او ۱۰ تنه نور ټپیان دي، چې روغتیايي حالت یې د اندېښنې وړ دی.
د ننګرهار د عامې روغتیا وزارت ویاند ظاهر عادل هم وايي دوی ته ۱۰ تنه ټپیان وروړل شوي، چې روغتیايي حالت یې نازک دی.
جمهورخبري آژانس:ننګرهار