د کابل پرونی چاودنه کې درې تنو ته مرګ ژوبله اوښتې ده

د کابل د امنیې قومندانۍ چارواکي وایي، د دوشنبې ورځې په مازېګر یوې چاودنې لږ ترلږه ۲ تنه وژلي او یو بل یې ټپي کړی دی.
 

د دغې قومندانۍ ویاند خالد ځدراڼ د طالبانو تر کنټرول لاندې باختر خبري اژانس ته ویلي، چې دغه چاودنه د کابل ښار د شپږمې حوزې په دارالامان سیمه کې پر یوه زرنج د چسپکي ماین له امله شوې ده.
 

د سرچینې په خبره، په یاده پېښه کې د زرنج دوه تنه سپاره کسان وژل شوي او یو لاروی ټپي شوی دی.
 

ځدراڼ د پېښې په اړه د پلټنو د پيل خبر ورکړی، خو نور جزییات یې نه دي ورکړي.
 

خپلواکو سرچینو په دې اړه څه نه دي ویلي.
 

د پېښې مسوولیت تر اوسه پورې چا پر غاړه نه دی اخیستی.

جمهورخبري آژانس