۰

د بښنې نړیوال سازمان: منیژه صدیقي د طالبانو په زندان کې تر شکنجې لاندې ده

شنبی ۲۱ دلو ۱۴۰۲ ساعت ۰۹:۵۴
د بخښنې نړیوال سازمان وايي، د افغان ښځو د حقونو فعاله منیژه صدیقي د طالبانو په زندان کې شکنجه کېږي.
د بښنې نړیوال سازمان: منیژه صدیقي د طالبانو په زندان کې تر شکنجې لاندې ده
د بخښنې نړیوال سازمان وايي، د افغان ښځو د حقونو فعاله منیژه صدیقي د طالبانو په زندان کې شکنجه کېږي.

دغه سازمان د جمعې په ورځ (د سلواغې۲۰) د یوې اعلامیې په خپرولو سره ویلي، سره له دې چې د مېرمن صدیقي جرم د طالبانو له خوا نه دی افشا شوی، هغه لا هم د دغې ډلې په زندان کې ده.

د اعلامیې پر بنسټ، مېرمن صدیقي د طالبانو په زندان کې له شکنجې او نورو ناوړه چلند سره مخ ده.

د بښنې نړیوال سازمان له طالبانو غوښتي چې مېرمن صدیقي دې له قید او شرط پرته خوشې کړي.

دا دویم ځل دی چې د بښنې نړیوال سازمان د مېرمن صدیقي د خوشې کېدو غوښتنه کوي.

مېرمن صديقي شاوخوا څلور مياشتې وړاندې د طالبانو له خوا نيول شوې وه.

دا په داسې حال کې ده چې طالبانو له څه باندې دوو کلونو راهیسې لسګونه ښځې د دې ډلې د بندیزونو په اعتراض کې نیولي او بندیانې کړي دي.

جمهورخبري آژانس
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي