یو زیات شمېر چینایي پانګوال په افغانستان کې پانګونې ته لېواله دي

په چین کې د طالبانو د ډلې سفیر مولوي بلال کریمي د دغې ډلې له سیاسي مرستیال مولوي عبدالکبیر سره کتلي او ویلي یې دي چې یو زیات شمېر چینايي پانګوال په افغانستان کې پانګونې ته لېواله دي.

طالبانو نن سه شنبې (د ثور ۴) په یوه خبرپاڼه کې ویلي چې مولوي بلال کریمي سیاسي مرستیال ته په چین کې د طالبانو د سفارت د لاسته راوړنو په اړه معلومات ورکړل او ویې ویل چې د دې ډلې ډیپلوماتان ښه چارواکي لري. د چین حکومت او ادارې سره اړیکې لري.

هغه زیاته کړه چې د چین چارواکي د داعش د ځپلو لپاره د طالبانو هڅې کوي د فساد له منځه وړل، له نشه يي توکو سره مبارزه او د اقتصاد په برخه کې فعاليتونه د ستاينې وړ دي.

نوموړی ادعا کوي چې یو زیات شمیر چینایي پانګه وال په افغانستان کې د پانګونې لپاره د طالبانو له سفارت سره په تماس کې دي.

د طالبانو سیاسي مرستیال په سیمه او نړۍ کې د چین ونډه، له دغه هېواد سره د طالبانو د امارت اړیکې مهمې او د دغې ډلې په ګټه وبللې.

دې طالبانو ټینګار کړی چې د طالبانو امارت چینايي سوداګرو ته لازمې اسانتیاوې برابروي.

د طالبانو د ډلې دا ادعا په داسې حال کې راپورته کیږي چې د افغانستان د سوداګرۍ او صنایعو خونې چارواکي وایي، چینایي پانګوال په یوه خوله په افغانستان کې پانګونې ته لېوالتیا څرګندوي، خو په عمل کې په دغه هېواد کې د بې ثباتۍ د نه شتون له امله په افغانستان کې پانګونه کوي.

جمهوخبري آژانس