د طالبانو پورې تړلو وسله والو غلو د بدخشان د سوداګرو شتمنۍ لوټ کړې

د بدخشان څخه ځینو سرچینو جمهور خبري اژانس ته تایید کړه چې د طالبانو پورې تړلو وسله والو کسانو د فیض آباد- راغ ولسوالۍ په لاره کې د سوداګرو یو کاروان په نښه کړ.

په دې پیښه کې، د لسو سوداګرو ملکیت د دې کسانو لخوا د ټوپک په زور لوټ شو.

ویل کیږي چې دا سوداګر د بدخشان له مرکز ( فیض آباد) څخه راغ ته د سرو زرو د اخیستلو لپاره روان وو چې د لارې په مینځ کې پرې برید وشو.

دا پیښه یو ځل بیا د ناامنۍ د زیاتوالي او په بدخشان کې د سوداګریزو لارو په اوږدو کې د وسله والو ډلو د واکمنۍ په اړه اندیښنې روښانه کوي.

جمهورخبري آژانس