د بامیانو پېښه ژوندی پاتی شوی سیلاني: ما فکر نه کاوه چې افغانستان دې خطرناک وي

په بامیان کې د داعش د ډزو له پېښې ژوندی پاتې شوی استرالیايي سیاح وايي، فکر یې نه کاوه چې افغانستان دې د بهرنیو سیلانیانو لپاره دومره خطرناک وي.

جو مک ډویل چې د بامیان په پېښه کې ټپي شوی و، AP اسټرالیا ته وویل، "ښکاره ده چې افغانستان له جګړې تازه دی او طالبان بد شهرت لري... دا یو خطرناک ځای دی، خو په افغانستان کې داسې نه و. تیر درې کاله."

هغه چې د راپور د چمتو کولو پر مهال په کابل کې په یوه روغتون کې و، زیاته کړه چې فکر کوي که څه هم برید کوونکی له هغه یو متر لیرې و، ولې تر اوسه مړ شوی نه دی؟

دغه استرالیايي تبعه چې د هپ په سیمه کې ټپي شوی و، ټاکل شوې وه چې د پنجشنبې په ورځ د زمري په دریمه استرالیا ته انتقال شي.

له دې پېښې وروسته د استرالیا د بهرنیو چارو وزارت خپلو اتباعو ته سپارښتنه وکړه چې افغانستان ته سفر ونه کړي.

د یادولو وړ ده چې د تیرې جمعې په ورځ د ثور د میاشتې په ۲۷ نیټه د بامیان ولایت په مرکز کې د بهرنیو سیلانیانو پر کور وسله والو ډزې وکړې چې په پایله کې یې ۳ هسپانوي او ۳ تنه افغان اتباع ووژل شول او ۴ تنه بهرني سیلانیان او ۳ تنه نور افغانان ټپیان شول. 

داعش د دې پېښې مسوولیت منلی دی.

جمهورخبري آژانس